VONIN VERÐUR TIL Í SAMEININGU

Þitt framlag styður starfið.

Með stuðningi þínum gerir þú samtökunum kleift að veita fræðslu og stuðning við fólk sem glímir við fíkn og aðstandendur þess.

Vonarliðar styrkja félagið með mánaðarlegu framlagi og skapa meiri stöðugleika í rekstrinum. Þú getur líka stutt með stakri greiðslu. Veldu þá leið og fjárhæð sem hentar þér.

Spurningar um stuðning

Þarf ég að styrkja til að nota fræðsluna?

Nei. Fræðsluvefurinn er gjaldfrjáls og stuðningur er alltaf valfrjáls.

Hvert leita ég vegna greiðslu eða skráningar?

Sendu okkur tölvupóst á thadervon@thadervon.is. Ekki senda kortaupplýsingar í tölvupósti.

Hvar finn ég greiðsluskilmála?

Greiðsluskilmálar birtast í greiðsluferlinu hjá Repeat. Kynntu þér þá áður en þú staðfestir framlag, meðal annars fjárhæð, hvort greiðslan sé stök eða endurtekin og skilyrði uppsagnar mánaðarlegs stuðnings.

Hvað styður framlagið?

Framlög standa undir ráðgjöf, stuðningsfundum og fræðslustarfi samtakanna. Öll þjónusta félagsins er endurgjaldslaus fyrir þau sem nýta hana. Með stuðningi þínum hjálparðu okkur að halda henni í boði.

Sjá þjónustuna sem er í boði núna

Stöðugur stuðningur skapar svigrúm

Umfang þjónustunnar ræðst af því fjármagni sem samtökin hafa til ráðstöfunar. Við höfum ekki enn tryggt stöðuga fjármögnun til að geta boðið alltaf sömu þjónustu. Regluleg framlög Vonarliða stuðla að meiri fyrirsjáanleika í rekstrinum og hjálpa okkur að skipuleggja starfið.

Í gegnum tíðina höfum við meðal annars getað veitt akstur í meðferð og í einstökum tilvikum greitt fyrir tímabundna gistingu meðan fólk beið meðferðar. Slík aðstoð fer eftir aðstæðum og fjármagni hverju sinni.

Lesa um þjónustuna, fyrri aðstoð og fjármögnun

Bókhald og gagnsæi

Gjaldkeri Það er von sér um daglega umsýslu fjármála félagsins. Bókhald félagsins er í höndum Fastlands, óháðs bókhaldsþjónustuaðila.

Fastland veitir meðal annars þjónustu við bókhald, uppgjör og skattframtöl. Kynntu þér Fastland og þjónustu fyrirtækisins.

Skráning á almannaheillaskrá

Það er von, góðgerðarsamtök, er skráð á almannaheillaskrá Skattsins. Samkvæmt skránni gildir skráning félagsins fyrir tímabilið 31. ágúst til 31. desember 2026. Sjá gildandi skráningu hjá Skattinum.

Framlög og skattfrádráttur

Gjafir og framlög án endurgjalds geta veitt rétt til skattfrádráttar að uppfylltum skilyrðum Skattsins. Félagið þarf að vera á almannaheillaskrá þegar framlag er veitt. Vörukaup og greiðslur fyrir þjónustu falla ekki undir sömu reglur.

Hjá einstaklingum felst frádrátturinn í lækkun tekjuskattsstofns. Samkvæmt gildandi upplýsingum Skattsins þurfa samanlögð frádráttarbær framlög ársins að ná að minnsta kosti 10.000 kr. og hámarksfrádráttur er 350.000 kr. á ári. Frádráttur jafngildir því ekki endurgreiðslu á allri fjárhæð framlagsins.

Skatturinn gerir kröfu um kvittun með nafni og kennitölu gefanda og fjárhæð framlags, auk upplýsingaskila móttakanda að ári loknu. Hafðu samband við okkur vegna kvittunar eða spurninga um skráningu framlags.

Lesa reglur Skattsins um frádrátt einstaklinga · Hafa samband við Það er von

Skráning og upplýsingar um skattfrádrátt voru yfirfarnar 3. nóvember 2026.

Von um jólin

Með sjálfboðavinnu og söfnun fyrir jólagjöfum viljum við hvetja fólk á áfangaheimilum áfram í bata. Söfnunin fer fram í nóvember og gjafirnar eru keyptar og þeim pakkað inn í desember, ásamt handskrifuðu jólakorti.

Kynntu þér verkefnið og hvernig þú getur lagt því lið. Hafðu samband við okkur ef þú vilt að framlag þitt renni sérstaklega til Vonar um jólin.

Persónuvernd

Sjá hvernig við förum með upplýsingar vegna samskipta, ráðgjafar, framlaga og notkunar vefsins.