Hlynur Kristinn Rúnarsson er einn af stofnendum samtakanna Það er von og gegnir lykilhlutverki í starfi þeirra. Hann er menntaður lögfræðingur, löggiltur einkaþjálfari og starfar sem fíknaráðgjafi með áherslu á jafningjastuðning. Í starfi sínu leggur hann megináherslu á að nýta persónulega reynslu og faglega nálgun til að styðja einstaklinga og fjölskyldur sem glíma við fíkn og tengdan vanda.

Hlynur starfar í dag sem ráðgjafi hjá Barna- og fjölskyldustofu, þar sem hann vinnur í meðferðarúrræði fyrir unglinga. Sú reynsla hefur aukið enn frekar innsýn hans í flókin málefni tengd fíkn, hegðunarvanda og fjölskylduaðstæðum, og styrkt hæfni hans til að vinna með ólíkum hópum við krefjandi aðstæður.

Hann hefur víðtæka reynslu af ráðgjöf, bæði til einstaklinga sem eru í neyslu eða í bata, sem og aðstandenda þeirra. Hann hefur komið að uppbyggingu og framkvæmd fræðslu- og stuðningsúrræða á vegum samtakanna, þar sem markmiðið er að efla seiglu, sjálfsvitund og bætt samskipti innan fjölskyldna. Þar er lögð sérstök áhersla á hagnýta nálgun, skýra leiðsögn og raunhæf verkfæri sem nýtast í daglegu lífi.

Persónuleg reynsla Hlyns hefur mótað sýn hans á bataferlið og mikilvægi vonar. Eftir að hafa sjálfur glímt við fíkn og náð bata hefur hann helgað sig því að styðja aðra á svipaðri vegferð. Sú reynsla veitir honum dýrmætt innsæi og trúverðugleika í starfi, þar sem hann mætir fólki af skilningi, festu og fagmennsku.

Auk starfa sinna innan Það er von hefur Hlynur komið að markaðs- og kynningarmálum hjá félagasamtökum og byggt upp öfluga viðveru á samfélagsmiðlum með áherslu á frásagnir sem hafa raunveruleg áhrif. Hann hefur jafnframt leitt verkefni sem miða að því að styrkja einstaklinga á fyrstu stigum bata, meðal annars með stuðningi og hvatningu sem hefur skilað sér í varanlegum jákvæðum breytingum í lífi þátttakenda.

Í starfi sínu leggur Hlynur áherslu á fagmennsku, ábyrgð og mannlega nálgun. Markmið hans er að stuðla að raunverulegum breytingum, bæði á einstaklings- og samfélagsstigi, með því að byggja upp úrræði sem byggja á reynslu, þekkingu og von.

Ragna Kristinsdóttir er fósturforeldri og aðstandandi, og er hún menntuð sem ljósmyndari. Hún gegnir stöðu gjaldkera Það er von og er einnig ein af stofnendum félagsins.
Ragna hefur víðtæka reynslu í viðskiptaheiminum, en hún hefur m.a. unnið í banka í Lúxemborg, á viðskiptastofu Landsbankans, og sem gjaldkeri húsfélaga. Síðastliðin 19 ár hefur hún unnið sem fósturforeldri og má segja að það sé hennar raunverulega köllun í lífinu, en árið 2022 var hún tilnefnd til verðlauna Heimilis og skóla fyrir vinnu hennar sem fósturforeldri. Ragna er mikill dýravinur, elskar að prjóna, og getur verið einstaklega stríðin. Hún er heiðarleg og hlý, og getur stundum verið þrjósk og ósveigjanleg, og eru það þessi persónueinkenni sem gera Rögnu svona færa í sínu starfi.

Margrét Petrína Hallsdóttir er tveggja barna móðir og læknir og stundaði hún sitt nám við háskólann í Debrecen, Ungverjalandi. Stundar hún nú sérnám í heimilislækningum. Í Debrecen gegndi Margrét stöðu varaformanns nemendafélags alþjóðlegra nemenda við háskólann í Debrecen í tæp 3 ár þar sem hún sá m.a. um að standa vörð um réttindi samnemenda sinna. Hún hefur gífurlegan áhuga á geðheilbrigðismálum, heilbrigðiskerfinu sem heild, og fíknisjúkdómum almennt. Margrét er mjög ræðin, finnst gaman að segja og hlusta á sögur annarra, og þrífst vel í fjölbreytileika. Hún hefur mikla réttlætiskennd og má ekki sjá vegið að réttindum annarra án þess að reiðast, sem er mikilvægur kostur inn í okkar heilbrigðiskerfi.

Halldóra Jónsdóttir, kölluð Dóra, er 51 árs skurðhjúkrunarfræðingur starfandi í Fossvogi. Auk þess að hafa starfað sem skurðhjúkrunarfræðingur í 20 ár hefur hún einnig próf í sjúkraflutningum. Dóra hefur sinnt skaðaminnkun með sjálfboðastarfi hjá Frú Ragnheiði, og gerði í um 3-4 ár þar til hún flutti til Hólmavíkur fyrir 4 árum síðan. Athygli hennar á Það er von vaknaði þegar hún last viðtal við Hlyn um hugmynd félagsins um að stofna áfangaheimili og ákvað hún þá að byrja að styrkja félagið. Dóra er mikill kattarvinur, stórfyndin og hæfileikarík í sínu starfi. Hún hefur mikinn áhuga á skaðaminnkun sem og lífeðlisfræði, sem er ómetanlegt bæði sem
heilbrigðisstarfsmaður og einnig sem hluti af stjórn Það er von.